Read News in Telugu Language
adsdaksha

దేవీ నవరాత్రుల శుభతరుణంలో అమ్మవారి కి ఏ రోజు ప్రసాదాలు ఏం పెట్టాలి. ఎలా తయారు చేయాలో తెలుసుకుందాం..

దక్ష న్యూస్, ఆధ్యాత్మికం.

నవరాత్రుల్లో ప్రతీ రోజు ఇలా నైవేద్యాలు పెట్టండి.  అపారమైన అమ్మ దయకు పాత్రులు కండి..

1.! శ్రీ బాలత్రిపురసుందరిదేవి !!

మొదటి రోజు.

!! పొంగల్ !!!!
కావలసినవి !!

పెసరపప్పు 150 గ్రా.
కొత్త బియ్యం 100 గ్రా.
మిరియాలు 15.
పచ్చిమిరప కాయలు 6
. పచ్చి కొబ్బెర 1 కప్పు.
కాచిన నెయ్యి 1/4 కప్పు.
జీడిపప్పులు 15.
జీర 1/2 టేబుల్ స్పూన్
. ఆవాలు 1/4 టేబుల్ స్పూన్.
ఎండుమిర్చి 3.
మినపప్పు , శనగపప్పు 2 టేబుల్ స్పూన్స్
. కోత్తమిర , కరేపాకు , తగినంత
ఉప్పు. రుచిని బట్టి
ఇంగువ 2 చిటికెళ్ళు.

!!

చేయవలసిన విధానము !!

దళసరి పాత్రలో కాస్త నెయ్యి వేడి చేసి
పెసరపప్పుని దోరగా వేయించండి. .బియ్యం కడిగి నీళ్ళన్నీ తీసేసిన తరువాత బియ్యం కూడా బాగా వేయించండి. తెలుపు రంగు పోకూడదు సుమా. 5 నిమిషాలు
వేపితే చాలు పెసరపప్పుకూడ కలర్ మార కూడదు,

అదే మూకుడులో మరికాస్త నెయ్యి వేసి
జీడిపప్పులను వేయించి పెట్టడి. సన్నగా తరిగిన పచ్చి మిర్చి పచ్చికొబ్బెర కోరి , జీలకర్ర మిరియాలు వేయించిన బియ్యం
పెసరపప్పు ఇవన్నీ 4 కప్పుల నీళ్ళతో
కుక్కర్లో వుంచి 3 whistles / కూతలు వచ్చాక స్టవ్ కట్టివేయండి.

చల్లారాక అందులో ఆవాలు , మినపప్పు ,
శనగపప్పు , జిలకర్ర , ఎండుమిర్చి ,ఇంగువ, కరేపాక్ వేసి తాలింపు పెట్టిమిగిలిన నెయ్యి అంతా పొంగలిలో వేసి వేడి వేడి ప్రసాదము ఆతల్లి త్రిపురసుందరీదేవికి నైవేద్యంపెట్టి
భక్తిగా పూజించి ఈ దసరా 10 రోజులు మాకు శక్తినిచ్చి నీకు సేవ చేసుకునే భాగ్యాన్ని ప్రసాదించు తల్లీ అని ప్రార్ధించాలి.

 

2 .గాయత్రి దేవి !!

రెండవ రోజు

!! పులిహోర !!

కావలసినవి !!

బియ్యం 150గ్రా. చింతపండు 50 గ్రా.
పసుపు1/2 స్పూన్
ఎండుమిర్చి 5.
ఆవాలు 1/2 స్పూన్
. మినపప్పు 1 స్పూన్
. శనగ పప్పు 2 స్పూన్.
వేరు శనగ పప్పు 1/2 కప్పు.
కరివేపాకు 2 రెబ్బలు.
ఇంగువ చిటికెడు
. నూనె 1/4 కప్పు
. ఉప్పు తగినంత
బెల్లం కొద్దిగా

!!
చేయవలసిన విధానం !!

అన్నం వండి చల్లార్చి పసుపు , ఉప్పు , కలిపి పెట్టాలి .చింతపండును అరకప్పు నీళ్ళు పోసి
నాన పెట్టి ,చిక్కటి గొజ్జు తీసి పెట్టండి, మూకుడులో కాస్త నూనె వేసి అందులో ఆవాలు ఎండుమిర్చి వేసి ఈ చింతపండు గుజ్జు వేసి కాస్తబెల్లం వేసి బాగా వుడికించండి (కావాలంటే పచ్చి మిర్చి వేసుకోవచ్చుగుజ్జులో )
వుడికిన గుజ్జు అన్నంలో కలిపండి .

బాణలిలో నూనె వేడి చేసి ముందుగా ఆవాలు ,మినపప్పు , శనగ పప్పు , ఇంగువ , ఎండుమిర్చి , వేసి ఆ వాలు చిటపట అన్న తరువాతవేరుశనగ గుళ్ళు వేసి అన్నీ బాగా వేగాక కరేపాక్ వేసి , అన్నంలో కలపడమే కమ్మటి పులిహోర రెడీవ్వగానే శ్రీ జగదీశ్వరీ మాతైన ఆ గాయిత్రి దేవికి నైవేద్యం పెట్టి ఆ తల్లి ఆశీస్సులతో అందరూ బాగుండాలని కోరుకొందాము

.

3 .! అన్నపూర్ణా దేవి !!

మూడవ రోజు

!! కొబ్బెరన్నం !

కావలసినవి !!

బియ్యం 1/2 కిలో.
తురిమిన పచ్చికొబ్బెర 1 కప్
. పచ్చిమిర్చి 5
. కరివేపాకు, కోత్తమిర , ఉప్పు .
పోపు సామాగ్రి ఎండుమిర్చి , ఇంగువ .
జీడి పప్పు 10
నూనె , 1/4 కప్
నెయ్యి 1 టెబుల్ స్పూన్

!!

చేయవలసిన పద్ధతి !!

అన్నం పొడి పొడి గా వండుకొనిపచ్చికొబ్బెర కాస్త నేతిలో వేయించి ఈ వేగిన కొబ్బెర అన్నంలో కలిపండి.

అదే మూకుడులో నూనె వేసి పోపు సామాగ్రి వేసి ఎండుమిర్చి , ఇంగువ , వేసి ఆవాలు చిటపట చిటపట అనగానే పొడవుగా తరిగిన పచ్చిమిరప కాయలు , కరివేపాకు, కోత్తమిర ,
అందులో వేసి తీసేయండి. ఈ వేగనిచ్చినదంతా అన్నంలో కలిపి ఉప్పు జీడిపప్పుకూడ వేసి పైన కాస్త కోత్తిమీర చల్లండి. కమ్మటి కొబ్బెరన్నం రెడి .

శ్రీ అన్నపూర్ణా దేవికి నైవేద్యం పెట్టి మనస్సు పూర్తిగా ప్రార్థించి అమ్మ కృప కు పాత్రులవుదాము.

 

4 .లలితా దేవి !!

నాల్గవ రోజు

!! అల్లం గారెలు

కావలసినవి !!

మినపప్పు2 కప్స్.
అల్లం చిన్న ముక్క.
పచ్చిమిరప కాయలు 6, సన్నగా తరిగినవి.
జీరా 1/4 స్పూన్.
ఉప్పు రుచికి తగినంత.
కరివేపాకు, కొత్తిమీర తగినంత.
నూనె గారెలు వేయించేందుకు

సరిపడ.!!!

చేసే విధానం !!!

మినపప్పు బాగా కడిగి 4 , 5 , గంటలు (hours) నానపెట్టి ( లేకుంటే ముందు రోజు రాత్రి నానపెట్టుకొండి ).

నానిన మినపప్పును గ్రైండర్లో వేసి , ఉప్పు , కాస్త సోడ , వేసి బాగా గ్రైడ్ చేసుకోండి . ఆ పిండిలో అల్లం,పచ్చిమిరప కాయలు కరివేపాకు, కోత్తమిర , సన్నగా తరిగి వేసి కాగిన నూనెలో ఈ మినపిండిని చేతిలో తీసుకొని గుండ్రంగా అదిమి నూనెలో విడచాలి .

దోరగా వేగిన వడలను , సహస్రనామాలతో ఆ శ్రీ లలితాదేవి ని ఆరాధించి నైవేద్యం పెట్టి
ఆశీర్వాదం పొందుదాము

 

5 .! సరస్వతి పూజ !!

ఐదవ రోజు

Hospital

!! పెరుగన్నం , దద్ధోజనం !!

కావలసినవి !!

బియ్యం 1/4 కిలో.
పాలు 1/2 లీ
. చిక్కటి పెరుగు 1/2 లీ.
నూనె 1/2 కప్పు
. నెయ్యి 1 స్పూన్
. కొత్తమీర , కరివేపాకు.
చిన్న అల్లం ముక్క.
పచ్చిమిర్చి
, పోపు సామాగ్రి
, జీడిపప్పు 20.
ఉప్పు , ఇంగువ ఎండుమిర్చి

!!

చేసే విధానం !!

ముందు బియ్యం కడిగి అన్నం వండి , కాస్త చల్లారాక కాచినపాలు , పెరుగు , ఉప్పు , వేసి బాగా కలిపి వుంచండి,

సన్నగా తరిగిన చిల్లి , కొత్తమిర ,కోరిన అల్లం ,అన్నీరెడ్డిగ్గా వుంచుకొని ష్టవ్ పై మూకుడుంచి అందులో నునె వేసి పోపు కావలసినవన్నీ వేసిఎండుమిర్చి ఇంగువ తో పాటు తరిగి వుంచిన వన్నీ వేసి బాగా వేగనిచ్చి పెరుగులో కలిపికాస్త నేతిలో జీడి పప్పులు వేయించి అవీవేయండిరుచికరమైన దద్ధోజనం అంటే ఆ చదువుల తల్లికి అంత మక్కువ ఆ తల్లి దీవెనలతో అందరూ బాగా చదివి అష్ట ఐశ్వర్యాలతో తులతూగాలని కోరుతూ ప్రార్థించాలి.

 

6 !! శ్రీ మహాలక్ష్మిదేవి !!

ఆరవ రోజు

!! రవ్వ కేసరి

కావలసినవి !!

రవ్వ 1 కప్పు
. షుగర్ 3/4 కప్పు.
నెయ్యి 2 టెబుల్ స్పూన్.
కేసరి కలర్ / చిటికెడు.
యాలకులు 4.
ఎండు ద్రాక్షా 6.
జీడిపప్పు 10.
మిల్క్ 1 కప్పు ( మిల్క్ మేడ్ 1 )
వాటర్ 1/2 కప్

!!!

చేసే విధానం !!!

ముందు మూకుడులో కాస్త నెయ్యి వేసి రవ్వ దోరగా వేయించి తీసి ప్లేట్ లోవేసివుంచండి .
మూకుడులో కాస్త నెయ్యి వేసి జీడిపప్పు , ఎండుద్రాక్షవేయించితీసివుంచండి .నీళ్ళూ ,పాలూ ,కలిపి బాగా మరగనివ్వాలి.అందులో
కేసరి కలర్ ,చెక్కర , రవ ,వేసి నెయ్యి వేస్తూ బాగాకలిపిఅందులోద్రాక్షా ,జీడిపప్పు ,మిగిలిన నెయ్యి అంతా వేసి బాగా కలిపి వేడి వేడి గా ఘుమ ఘుమగా నేతితో ఆ మహాలక్ష్మికి నైవేద్యం గా పెట్టి సౌభాగ్యం ఇవ్వమని ప్రాథించి నైవేద్యం పెట్టండి

 

7 .!! కదంబం ప్రసాదం !!

ఏడవ రోజు

!!

కావలసినవి !!

కందిపప్పు 1/2 కప్పు.
బియ్యం 1/2 కప్పు. ( కొత్తబియ్యం అయితే మరీ రుచిగా వుంటుంది )
1 వంకాయ
, 1/4 సొరకాయ,
1 దోసకాయ,
బీన్స్ తగినన్ని,
1 పోటాటో
. వేరుశెనక్కాయలు ( పీనట్ ) 2 పిడికిళ్ళు
. 2 మొక్కజొన్నలు.
1/2 క్యారెట్,
2 టోమాటో
. తగినంత కరివేపాకు.
కోత్తమీర
, కోరిన పచ్చి కొబ్బెర 1 చిప్ప,
4 పచ్చి మిర్చి,
నూనె తగినంత
. నెయ్యి చిన్న కప్పు,
చింతపండు గొజ్జు తగినంత,
కాస్త బెల్లం ( జాగిరి )
ఉప్పు , పసుపు తగినంత,
3 చెంచాలు సాంబర్ పౌడర్
, పోపు గింజలు ,ఎండుమిర్చి, ఇంగువ .

!!!!

చేయవలసిన విధానము !!!!

ముందుగ కాయగూరలన్ని మీకు కావలసిన సైజులో తరుక్కోని వుంచుకోండి

కుక్కర్లోకందిపప్పు ,బియ్యం ,పీనట్ ,టోమాటో తప్ప అన్నీ కూరగాయలు వేసి
పసుపు , ఉప్పు ,నీళ్ళు 5 పావులు వేసి రెండు విజిల్ వచ్చాక stove off చేయండి .
మూకుడులో కొద్దిగ నూనె వేసి వేడి చేసాక అందులో కొద్దిగ ఆవాలు వేసి అవి చిట్లిన తరువాతపచ్చిమిర్చి ,కరేపాకు ,టొమాటో ,చింతపండు గొజ్జు ,సాంబర్ పౌడర్ , జాగిరి .వేసి బాగా వుడికిన తరువత ఆ గ్రేవి అంతావుడికినరైస్లోవేసి,కోత్తమీర ,కరేపాక్ ,నెయ్యి వేసిమరోసారి వుడికించండి అంతా బాగావుడికినతరువాత ,ఎండుమిర్చి ,ఇంగువతో తాలింపు పెట్టికొబ్బరి కలిపి దించండి వేడి వేడిగా దుర్గాదేవికి నెయ్యివేసి నైవేద్యం పెట్టి ఆ తల్లి దీవెనలు పొందండి

 

8.మహిషాసుర మర్ధిని !!

ఎనిమిదవ రోజు

!! బెల్లం అన్నం

కావలసినవి !!

బియ్యం 100 గ్రా.
బెల్లం 150 గ్రా.
యాలకులు 5
. నెయ్యి 50 గ్రా. జీడిపప్పు 10

!!చేసే విధానం !!!

ముందుగా బియ్యం కడిగి అరగంట నానని వ్వండి .తరువాత మెత్తగా వుడికించాలి .
అందులో తరిగిన బెల్లం వేసిమొత్తం కరిగెంత వరకు వుడికించాలి .జీడిపప్పులు నేతిలో దోరగా వేయించి ,యాలకుల పొడి మిగితా నెయ్యి మొత్తంఅన్నంలోకలిపిదించేయడమే .
తియ్యని కమ్మని నైవేద్యం సమర్పించి కొని అమ్మ కృప కు పాత్రులవుదాము.

 

9. !! రాజ రాజేశ్వరి దేవి ప్రసాదం

తొమ్మిదవ రోజు

!! పరమాన్నం

కావలసినవి !!

చిక్కటి పాలు 6 కప్పులు. ( 1 టిన్ మిల్క్ మేడ్ ) బియ్యం 1 కప్పు.
Sugar 1,1/2 కప్సు.
ద్రాక్షా , జీడిపప్పు 1/4 కప్పు. యాలకల పౌడర్ 1/2 స్పూన్.
నెయ్యి 5 టేబుల్ స్పూన్స్

!!

చేసే విధానం !!

ముందు దట్టమైన వెడల్పాటి పెద్ద గిన్నెలో కాస్త నెయ్యి వేసి అందులో బియ్యం పోసి పచ్చి వాసన పోయెంత వరకు వేయించండి.
తరువాత పాలు , యాలకుల పౌడర్ , వేసి కుక్కర్`లో 2 విజిల్ వచ్చెంత వరకు వుంచండి. అది పక్కన పెట్టి చిన్న మూకుడు స్టవ్ పై వుంచి అందులో కాస్త నెయ్యి వేసి ఈ ఎండు ద్రాక్ష. ద్రాక్షా , జీడిపప్పు దోరగా వేయించి వుంచండి. చల్లారిన తరువాత కుక్కర్ మూత ఓపన్ చేసి వుడికిన అన్నానికి చెక్కర వేసి
ఒక్క 5 నిముషాలు మళ్ళీ వుడికించండి.
( అలా వుడికినప్పుడు బియ్యం పాలు చక్కర కలుసుకొని చిక్కగా కావాలి )
. అందులో వేయించిన జీడిపప్పు అవి వేసి బాగా కలిపి కాస్త నెయ్యి వేసి, వేడి వేడి గా ఆ రాజ రాజేశ్వరిదేవికి నైవేద్యం పెట్టండి

.

10. ప్రధాన దేవత ను సర్వాభరణములతో అలంకారం.పదవ రోజుఈ తొమ్మిది రోజులూ చేసిన అన్ని ప్రసాదములను నైవేద్యముగా ఏట్టాలి .

ఓం శ్రీ మాత్రే నమః

Leave A Reply

Your email address will not be published.