Read News in Telugu Language
adsdaksha

జయరాజ్ కి కాళోజీ నారాయణ రావు అవార్డు .. ప్రకటించిన సీఎం కేసిఆర్..

దక్ష న్యూస్, హైదరాబాద్ : సెప్టెంబర్ 6

పద్మ విభూషణ్ ప్రజాకవి కాళోజీ నారాయణ రావు ( kaloji narayana rao ) అవార్డుకి ప్రముఖ కవి, పాటల రచయిత, గాయకుడు జయరాజ్ ( jayaraj ) ఎంపికయ్యారు. రాష్ట్ర ప్రభుత్వం ప్రతియేటా ప్రకటించే ‘‘ కాళోజీ నారాయణ రావు అవార్డు’’ 2023 సంవత్సరానికి గాను ముఖ్యమంత్రి కె.చంద్రశేఖర్ రావు ( cm kcr ) కవి జయరాజ్ ను ఎంపిక చేశారు.

సాహిత్య సాంస్కృతిక రంగాల్లో చేసిన కృషిని గుర్తిస్తూ ప్రతి యేటా అందించే కాళోజీ అవార్డు ( kaloji award ) కోసం రాష్ట్ర ప్రభుత్వం నియమించిన కమిటీ సిఫారసుల మేరకు, ఈ నెల 9 వ తేదీన కాళోజీ నారాయణ రావు జయంతి ఉత్సవాల సందర్భంగా నిర్వహించే అధికారిక కార్యక్రమంలో కవి జయరాజ్ కు కాళోజీ’ అవార్డును అందజేయనున్నారు. ఈ అవార్డు ద్వారా రూ. 1,01,116 (1 లక్షా, వెయ్యి నూట పదహారు రూపాయలు) నగదు రివార్డును, జ్జాపికను అందించి దుశ్శాలువాతో సత్కరించనున్నారు.

read also : భాజపా, భారాస సఖ్యత వార్తల్లో నిజం లేదు..మీట్ అండ్ గ్రీట్ ర్యాలీలో బండి సంజయ్..

Hospital

ఉమ్మడి వరంగల్, నేటి మహబూబాబాద్ జిల్లా కు చెందిన జయరాజ్ (60) చిన్ననాటి నుంచి ఎన్నో కష్టాలను అధిగమించి కవిగా పేరు తెచ్చుకున్నారు. పేద దళిత కుటుంబానికి చెందిన జయరాజ్ వివక్షత లేని సమ సమాజం కోసం తన సాహిత్యాన్ని సృజించారు.

బుధ్దుని బోధనలకు ప్రభావితమై అంబేద్కర్ రచనలతో స్పూర్తి పొందారు.
తెలంగాణ ఉద్యమ కాలంలో పల్లె పల్లెనా తిరుగుతూ.. తన ఆట పాట గానం ద్వారా ప్రజల్లో తెలంగాణ సాంస్కృతిక ఉద్యమ భావజాలాన్ని రగిలించిన ప్రజా కవి గా జయరాజు ఖ్యాతినొందారు. ప్రకృతి గొప్పతనాన్ని వర్ణిస్తూ, పర్యావరణ పరిరక్షణ కోసం పలు పాటలు రచించారు. మనిషికీ ప్రకృతికీ వున్న అవినాభావ సంబంధాన్ని తన సాహిత్యం ద్వారా సున్నితంగా విశ్లేషించారు. ఈ మేరకు వారు ముద్రించిన పలు పుస్తకాలు ప్రజాదరణ పొందాయి.

read also : గురుపూజోత్సవంలో పాల్గొనడం గొప్ప మధురానుభూతి ..

Leave A Reply

Your email address will not be published.