Read News in Telugu Language
adsdaksha

అభివృద్ధి కోసం పార్టీ మారిన కందళ ప్రజలకు ఏం చేశారో చెప్పాలి..

దక్ష న్యూస్, ఖమ్మం: నవంబర్ 20

తెలంగాణ రాష్ట్రం కోసం 1200వందలమంది విద్యార్థులు ఆత్మ బలిదానాలు చేసుకుంటే చలించిపోయిన కాంగ్రెస్ పార్టీ అగ్రనాయకురాలు సోనియా గాంధీ తెలంగాణ రాష్ట్రం ఇచ్చిందని, తెలంగాణ రాష్ట్రం ఇచ్చింది తెచ్చింది మేమే అని కాంగ్రెస్ పార్టీ సీనియర్ నాయకుడు వి.హెచ్. హనుమంతరావు అన్నారు. కాంగ్రెస్ పార్టీ పాలేరు ఎమ్మెల్యే అభ్యర్థి పొంగులేటి శ్రీనివాసరెడ్డి తో కలిసి ఆయన సోమవారం తిరుమలాయపాలెం మండలంలో ఎన్నికల ప్రచారం నిర్వహించారు. ఈ సందర్భంగా హనుమంతరావు మాట్లాడుతూ..
మాయమాటలు చెప్పి అధికారం చేజిక్కించుకున్న ముఖ్యమంత్రి కేసీఆర్ ను రాష్ట్ర ప్రజలు ఓటు ద్వారా తరిమికొట్టాలని పిలుపునిచ్చారు.
గత ఎన్నికల్లో కాంగ్రెస్ నుంచి మీరు గెలిపించిన ఎమ్మెల్యే, అభివృద్ధి పేరు చెప్పి పార్టీ మారాను అని చెప్పాడు, మీ గ్రామంలో ఏం అభివృద్ధి చేశాడని ప్రశ్నించారు.

Read also : తెలంగాణ లో హంగ్ కు అవకాశం లేదు: రేవంత్ రెడ్డి..

అధికార పార్టీలో చేరి డబుల్ బెడ్ రూం ఇల్లు, దళిత బందు, కొత్త రేషన్ కార్డులు ఎన్ని ఇప్పించాడని అన్నారు. ఆయన వ్యక్తిగత స్వలాభం కోసం బీఆర్ఎస్ పార్టీలో చేరి కేసీఆర్ కు తొత్తుగా మారాడని ఆరోపించారు. డబ్బుమదంతో,అధికార మదంతో విర్రవీగుతున్న ఆపద్ధర్మ ప్రభుత్వానికి, ఇందిరమ్మ రాజ్యానికి యుద్ధం జరగబోతోంది అన్నారు. ఈ యుద్ధం లో ప్రజలు బాగ స్వాములు కావాలని పిలుపునిచ్చారు.

Hospital

పొంగులేటి మాట్లాడుతూ, రెండు సార్లు తెలంగాణా ప్రజలకు మాయమాటలు చెప్పి కేసీఆర్ ముఖ్యమంత్రి అయ్యాడనీ,
తెలంగాణా బిడ్డలకు ఇచ్చిన వాగ్దానాలు ఏ ఒక్కటైన నెరవేర్చలేదని మండిపడ్డారు.
కేసీఆర్ మళ్లీ ప్రజాక్షేత్రం లోకి వచ్చి, రెండు పర్యాయాల్లో అభివృద్ధి చెయ్యలేకపోయాను, ఇప్పుడు మళ్లీ గెలిపిస్తే అద్భుతాలు చేస్తానని మాయమాటలు చెపుతున్నాడని విమర్శించారు.
ఇలాంటి మాయమాటలు చెప్పే కేసీఆర్ ను ప్రజలు నమ్మవద్దని, కోరారు.

ప్రజాపాలన కోసం, ఇందిరమ్మ రాజ్యం కోసం,మీ శ్రీనన్న గెలుపుకోసం, మీరందరూ యుద్ధం చేసి, హస్తం గుర్తుపై ఓటు వేసి కేసీఆర్ చెంప చెళ్లుమనే సమాధానం చెప్పాలని పొంగులేటి కోరారు. ప్రచారంలో నాయకులు బెల్లం శ్రీనివాస్,ఎంపీపీ బోడ మంగీలాల్, రామసహయం నరేశ్ రెడ్డి, చావా శివరామకృష్ణ, కొప్పుల అశోక్, శ్యాం సుందర్ రెడ్డి, తదితరులు పాల్గొన్నారు.

Leave A Reply

Your email address will not be published.