Read News in Telugu Language
adsdaksha

ఈనెల 15న ఎమ్మెల్యే అభ్యర్థులతో సీఎం కేసిఆర్ భేటీ.. బి ఫారాలను అందజేత. ..

దక్ష న్యూస్, ఖమ్మం: అక్టోబర్ 9

అదే రోజు పార్టీ మేనిఫెస్టో విడుదల..

అక్టోబర్ 15, 16, 17,18 తేదీల్లో జిల్లాలు, నియోజకవర్గాల పర్యటన…

నవంబర్ 9 న రెండు చోట్ల సిఎం కేసీఆర్ నామినేషన్…

బీఆర్ఎస్ ( brs ) అధినేత ముఖ్యమంత్రి కె. చంద్రశేఖర్ రావు ( cm kcr ) అక్టోబర్ 15వ తేదీన పార్టీ ఎమ్మెల్యే అభ్యర్థులతో తెలంగాణ భవన్ ( telangana bhavan ) లో సమావేశం కానున్నారు. ఈ సమావేశంలోనే అభ్యర్థులకు బీఫారాలను బిఆర్ఎస్ అధినేత సిఎం కేసీఆర్ అందచేయనున్నారు. ఈ సందర్భంగా ఎన్నికల్లో పాటించాల్సిన నియమ నిబంధనలు తదితర అంశాలపై అభ్యర్థులకు పార్టీ అధ్యక్షులు సిఎం కేసీఆర్ వివరిస్తారు. కాగా.. అదే సందర్భంలో బీఆర్ఎస్ అధినేత ముఖ్యమంత్రి కె. చంద్రశేఖర్ రావు బిఆర్ఎస్ పార్టీ మేనిఫెస్టోను విడుదల చేస్తారు.

read also : కో(డ్)డి కూసేసింది.. ఐదు రాష్ట్రాలకు ఎన్నికల షెడ్యూల్ విడుదల..

Hospital

అనంతరం అదేరోజు హుస్నాబాద్ నియోజకవర్గ కేంద్రంలో లో ఏర్పాటు చేసిన బహిరంగ సభలో సాయంత్రం 4 గంటలకు సీఎం కేసీఆర్ ప్రసంగిస్తారు.

సిఎం కేసీఆర్ జిల్లాల పర్యటనలు :

అక్టోబర్ 16 జనగామ, భువనగిరి నియోజకవర్గాల కేంద్రాల్లో బహిరంగ సభలో సిఎం పాల్గొంటారు. 17న సిద్దిపేట, సిరిసిల్ల నియోజకవర్గ కేంద్రాల్లో నిర్వహించే బహిరంగ సభలో సిఎం కేసీఆర్ పాల్గొంటారు. అక్టోబర్ 18 మధ్యాహ్నం 2 గంటలకు జడ్చర్ల నియోజకవర్గ కేంద్రం లో, అదే రోజు సాయంత్రం 4 గంటలకు మేడ్చల్ నియోజకవర్గ కేంద్రంలో నిర్వహించే బహిరంగ సభల్లో సిఎం పాల్గొననున్నారు.

read also : మానవత్వానికే కాదు దైవత్వానికి నిలువెత్తు నిదర్శనం ఈ వైద్య నారాయణుడు..

కేసీఆర్ నామినేషన్లు వేసేది ఇక్కడే :

నవంబర్ 9న గజ్వేల్, కామారెడ్డి … రెండు నియోజకవర్గాల నుంచి ముఖ్యమంత్రి కె. చంద్రశేఖర్ రావు బిఆర్ఎస్ ఎమ్మెల్యే అభ్యర్థిగా నామినేషన్ వేయనున్నారు. ఇందులో భాగంగా 9వ తేదీ ఉదయం సిద్దిపేట నియోజకవర్గంలోని కోనాయపల్లి వెంకటేశ్వర స్వామి దేవాలయానికి వెళ్లి ఆనవాయితీ ప్రకారం ప్రత్యేక పూజలు నిర్వహిస్తారు. అనంతరం గజ్వేల్ లో సిఎం కేసీఆర్ మొదటి నామినేషన్ వేస్తారు.
ఆ తర్వాత మధ్యాహ్నం రెండు గంటలకు కామారెడ్డిలో రెండవ నామినేషన్ వేస్తారు. అనంతరం మూడు గంటల నుంచి ప్రారంభమయ్యే కామారెడ్డి బహిరంగ సభలో సీఎం కేసీఆర్ పాల్గొంటారు.

 

Leave A Reply

Your email address will not be published.